မီဒီယာ ဥပဒေ – ပြန်ကြားရေး ညွှန်ချုပ် ဦးရဲထွဋ်နှင့် တွေ့ဆုံခြင်း


ပြန်ကြားရေးဝန်ကြီးဌာန ညွှန်ကြားရေးမှူးချုပ် ဦးရဲထွဋ်

မေး။     ။ အခုဆိုရင် မီဒီယာ ဥပဒေတခု ပေါ်ထွက်လာအောင် ဦးရဲထွဋ်တို့ဘက်က ကြိုးစားနေပြီ ဆိုတော့ ဒီဟာ ပေါ်ပေါက် လာဖို့ ဘယ်အချိန်ကတည်းက စီစဉ်ခဲ့တာလဲ၊ ဘာတွေကို ဘယ်လို ဆက်ထိန်းချုပ်သွားမလဲ။

ဖြေ။     ။ တကယ်တော့ ကျနော်တို့ ဒီ မီဒီယာဥပဒေနဲ့ ပတ်သက်လို့ စတာ ၂၀၀၈ ကတည်းကပဲ။ ဖွဲ့စည်းပုံ အခြေခံဥပဒေကို အတည်ပြုလိုက်တဲ့ အချိန်၊ နိုင်ငံသားတိုင်းရဲ့ မူလအခွင့်အရေးနဲ့ တာဝန်များ ဆိုတဲ့အခန်းမှာ ကြည့်လိုက်ရင် စာပေစိစစ်ရေး ဆိုတာ လုံးဝ ရှိလို့ မရတော့ဘူး၊ သူက ဥပဒေနဲ့ အညီ လွတ်လပ်စွာ ရေးသားခွင့်၊ ထုတ်ဖော်ပြောဆိုခွင့်၊ စည်းရုံးဖွဲ့စည်းခွင့် ရှိရမယ် ဆိုတာပါပြီးသား။ အဲဒီမှာကတည်းက ဥပဒေထွက်လာဖို့အတွက် ဘာတွေလုပ်မလဲ ဆိုတာကို ကျနော်တို့ စဉ်းစားတယ်။ အဲဒီအတွက် ကျနော်တို့ ဘယ်ကနေ အကူအညီယူသလဲ၊ အကူအညီရသလဲ ဆိုတော့ ဂျာမနီက ဖောင်ဒေးရှင်းတခုက အကူအညီပေးတယ်၊ နောက် စင်ကာပူက အဖွဲ့တွေနဲ့ ပေါင်းပြီး ဒီက ဒုတိယ ညွှန်ကြားရေးမှူး ဦးတင့်ဆွေတို့ကို လွှတ်တယ်။ အလုပ်ရုံ ဆွေးနွေးပွဲတွေ လုပ်တယ်။ အဲဒီမှာ အနောက်နိုင်ငံတွေမှာ ဘယ်လိုရှိတယ်၊ အာဆီယံတွေမှာ ဘယ်လိုရှိတယ် ဆိုတာကနေစပြီး မြန်မာပြည်မှာဆို ဘယ်လိုလုပ်သင့်တယ် ဆိုတာနဲ့ ကျနော်တို့ စခဲ့တယ်။

နောက်တခုကတော့ အဲဒီဘက်ကို မသွားနိုင်ခင်မှာ ၁၉၆၂ ဥပဒေထဲကပဲ မီဒီယာလွတ်လပ်ခွင့်ကို လူတွေကို ဖြည်းဖြည်းချင်း သိအောင်၊ အလေ့အကျင့် ဘယ်လို လုပ်ပေးမလဲလို့ စဉ်းစားတယ်။ ကျနော်တို့ လုပ်တာ ၂ ခုပေါ့။ တခုက ကျနော်တို့လူတွေ သွားလေ့လာတယ်၊ နောက်တခု ကတော့ ၆၂ ဥပဒေထဲကနေပဲ လွတ်လပ်ခွင့်ကို ဆွဲထုတ်ပြီး လူတွေကို ကျင့်ပေးတယ်။ ဝန်ကြီးက ဘာပြောလဲ ဆိုတော့ ၆၂ ခုနှစ် ဥပဒေထဲကပဲ ဝန်ကြီးကိုပေးထားတာထဲကနေ ဖြေလျှော့ပေးနိုင်တာတွေ ရှိတယ်။ အဲဒါကို လုပ်မယ်ပေါ့။ ဒါကြောင့် ၂၀၀၈ မှာ စပြီး အပြုသဘောဆန်တဲ့ ဝေဖန်မှုတွေကို ဖြည်းဖြည်းချင်း ခွင့်ပြုပြီ ဆိုတဲ့သဘော ပြောခဲ့တယ်။ အဲဒီတုန်းက ဂျာနယ်တွေ ခင်ဗျားတို့လည်း တွေ့မှာပါ။ ဖြည်းဖြည်းချင်း ပေးလာခဲ့တာ။

တဘက်မှာလည်း ဂျာနယ်ထုတ်ခွင့်တွေလည်း ပိုပြီး ချထားပေးခဲ့တယ်။ သဘောကတော့ တိကျတဲ့ အလေ့အကျင့်တွေ မလုပ်ပေးနိုင်ခင်မှာ ဂျာနယ်တွေကို ဒီအလေ့အကျင့် ရစေချင်တဲ့ သဘောပေါ့။ New Generation တွေက ဒီအလေ့အကျင့် တွေ ရပြီး ဒါတွေကို ဖြည်းဖြည်းချင်း ကျင့်သုံးနိုင်ဖို့ ရည်ရွယ်တာပါ။ နောက်ပိုင်း အစိုးရသစ်ပေါ်လာမယ်၊ မီဒီယာ ဥပဒေ ထွက်ပေါ်လာမယ် ဆိုရင် ဘာပဲပြောပြော ကျနော်တို့ဆီမှာ Formal Training တွေ မရှိခဲ့ရင်တောင်မှ ဟာမိုနီ ဖြစ်ဖြစ်နဲ့ သွားနိုင်လိမ့်မယ်လို့ မျှော်လင့်ပြီး လုပ်တာပါ။

နောက်တခုကတော့ တတ်နိုင်သမျှ ဝန်ကြီး ဌာနတွေကို သတင်းတွေ ထုတ်ပေးကြပါ၊ ဂျာနယ်တွေနဲ့ ရင်းရင်းနှီးနှီးရှိကြပါ ဆိုတာမျိုးတွေပေါ့။ ဒါကတော့ အရင်အစိုးရ လက်ထက်က အတတ်နိုင်ဆုံး ကြိုးစားခဲ့တာတွေပဲ။

ဒီဘက် အစိုးရသစ် လက်ထက်မှာတော့ အခြေခံဥပဒေက အသက်ဝင်ပြီ၊ သမ္မတကြီးကလည်း သူ့ရဲ့ ပထမဆုံး မိန့်ခွန်းမှာပဲ Democratic Society မှာ မီဒီယာ လွတ်လပ်ခွင့် မရှိလို့ မရဘူးဆိုပြီး ပြောခဲ့တယ် ဆိုကတည်းက ကျနော်တို့ ဒီကိစ္စကို အမြန်ဆုံး အကောင်အထည်ဖော်ဖို့ လုပ်ကြတာပါ။

အခု လွှတ်ပေးလိုက်ပြီ ဆိုရင် ရေးကြတော့မှာ။ အရင်က စာပေစိစစ်ရေးက ထိန်းခဲ့တယ်။ တချို့ အနုပညာရှင်တွေဆို မူးယစ်ဆေးကြောင့် ပြဿနာတက်တာတွေ၊ သေဆုံးတာတွေ ရှိတယ်။ အဲဒါတွေကို အရင်က ရေးခွင့်မပေးခဲ့ဘူး။ ဒါက တဘက်လူကို ကာကွယ် ချင်တာကော၊ နောက်တခုက အသရေဖျက်မှုနဲ့ ပတ်သက်ပြီး ကျနော်တို့ဆီမှာ ဂျာနယ်လစ်တွေက နားမလည်တာတွေရှိတယ်။ ဘယ်ဟာက အသရေဖျက်မှုမြောက်တယ် ဆိုတာက အစ ကျနော်တို့ဆီမှာ မသိကြဘူး။ ဒါကြောင့် ကျနော်တို့ရှာနေတာက တရားရုံးမသွား ဘဲနဲ့ ကြားမှာ ဖြေရှင်းပေးနိုင်တဲ့ Mechanism တခုကို ကျနော်တို့ ရှာနေတယ်။ ဥပမာ အနုပညာရှင် တယောက်က သူ့ကို အသရေ ဖျက်တယ်လို့ ယူဆပြီး တရားစွဲချင်တယ်ဆိုရင် ကျနော်တို့က ကြားထဲက ခေါ်ညှိပေးတာမျိုး လုပ်ပေးချင်တယ်။ စာနယ်ဇင်းသမားလည်းလာ ညှိကြ ဆိုတာမျိုး လုပ်ပေးချင်တယ်။

မေး။     ။ အခု စီစဉ်ထားတဲ့ မီဒီယာဥပဒေထဲမှာ အခန်း ၁၀ ခန်းပါတာတွေ့ရတယ်။ အဲဒီထဲမှာ စာနယ်ဇင်းသမားတွေရဲ့ ရပိုင်ခွင့် ဆိုတာလည်းပါတယ်။ အိမ်နီးချင်းနိုင်ငံတွေကိုလည်း လေ့လာထားတယ်ဆိုတော့ ဒီမီဒီယာလောကနေ ကျနော်တို့ ဘာတွေများ မျှော်လင့်လို့ရမလဲ။

ဖြေ။     ။ ဘာမျှော်လင့်သလဲ ဆိုတော့ ပထမဆုံး အားလုံး မျှော်လင့်နေတဲ့ စာပေစိစစ်ရေး ဆိုတာကြီး မရှိတော့ဘူး။ စာပေစိစစ်ရေးသည် စောင့်ကြည့်တဲ့ အဖွဲ့ပဲ ဖြစ်တော့မယ်။ စောင့်ကြည့်မယ်၊ မူပိုင်ခွင့်နဲ့ ပတ်သက်တဲ့ ပြဿနာတွေ ဖြစ်လာရင် ဖြေရင်းပေးမယ်။ ဆိုလိုတာက စာစောင်တစောင်၊ စာအုပ်တအုပ် ထုတ်လိုက်ရင် ကျနော်တို့ဆီကို သတ်မှတ် ထားတဲ့ စောင်ရေ ပို့ပေးရမယ်။ ကျနော်တို့ဆီကနေမှ တဆင့် ဟိုဘက်မှာလုပ်နေတဲ့ National Library Law ဆိုတာရှိတယ်။ အဲဒီထဲမှာက အမျိုးသားစာကြည့်တိုက်တို့၊ တက္ကသိုလ် စာကြည့်တိုက်တို့၊ မှော်ကွန်းတိုက်တို့ကို သွားမယ်၊ တချို့က ကျနော်တို့ ဆီမှာ ကျန်ခဲ့မယ်။ ကျနော်တို့က တနှစ်တာ ထုတ်ခဲ့တဲ့စာအုပ်စာရင်းကို ပြုစုမယ်။ ဒါက အခုလည်း လုပ်နေပါတယ်။ နောက်ကို ပိုပြီး စနစ်တကျ လုပ်မယ်ပေါ့။ စာရင်းလုပ်ပြီး ထုတ်မယ်။ ဘယ်စာမူကို ဘယ်သူကရေးတယ် ဆိုတာ အတိအကျ ပြုစုမယ်။ နောင်တချိန်မှာ ဘယ်သူ့ဟာကို ဘယ်သူက ကူးချပါတယ် ဆိုတာမျိုး ဖြစ်လာရင် ကျနော်တို့က ဒါနဲ့ ရှင်းမယ်။

သူ့ရဲ့ နောက်တာဝန် တခုကတော့ အင်္ဂလန်မှာရှိတဲ့ Press Complaints Commission ဆိုတာကို ကျနော်တို့ အတုယူ ထားတယ်။ အဲဒီမှာက ဒီစာမူသည် တစုံတယောက်ကို ထိခိုက်တယ်၊ တရားစွဲချင်တယ် ဆိုရင် ကျနော်တို့ ပထမဆုံး အဲဒီကော်မတီက ညှိပေးမယ်၊ ဒါကြောင့်မို့လို့ ဒီကော်မတီ နာမည်ကိုတောင် စာနယ်ဇင်း လွတ်လပ်ခွင့်နှင့် ကျင့်ဝတ်မြှင့်တင်ရေး ကော်မတီ ဆိုပြီး သုံးထားတယ်။ ဆိုလိုတာက စာပေစိစစ်ရေး အဖွဲ့သည် တားဖို့ ပိတ်ဖို့ မဟုတ်တော့ဘူး၊ သူသည် ထိန်းကျောင်းပေးဖို့ အဖွဲ့ ဖြစ်သွားပြီ။ ခုနကလို ကွန်ပလိန်းတွေ လာမယ်ဆိုရင် ဖြေရှင်းပေးမယ်။ အရင်တုန်းကလို ကိုတင့်ဆွေ တယောက်တည်းရဲ့ သဘောနဲ့ လုပ်လို့ရတဲ့ ကော်မတီ မဟုတ်တော့ဘူး။ ဒါကျနော်ပြောတာက မူကြမ်းကိုတင် ပြောတာနော်။ လွှတ်တော်မှာ အတည်ပြုပြီးရင်တော့ ပိုပြီးတော့ ကောင်းသွားမှာပေါ့။ ဒီကော်မတီထဲမှာ စာနယ်ဇင်းကလူတွေပါမယ်၊ လူသိထင်ရှားတဲ့ ဥပဒေ ပညာရှင်တွေပါမယ်၊ ကျနော်တို့ဘက်က ကိုယ်စားပြုသူတွေပါမယ်။

မေး။     ။ စိစစ်ရေး မရှိတော့ဘူးဆိုတော့ သဘောက သတင်းတွေကို စာဖတ်သူတွေက ၁ ပတ်စောင့်စရာ မလိုတော့ဘူး ဆိုတဲ့ သဘောလား။

ဖြေ။     ။ ဘာမှ စောင့်စရာ မလိုတော့ဘူးလေ။ ကိုယ့်တာဝန်ယူကိုယ်ထုတ်ရုံပဲ။

မေး။     ။ ဒါဆို နေ့စဉ်သတင်းစာတွေကော ထွက်လာနိုင်စရာ ရှိမလား။

ဖြေ။     ။ သတင်းစာတွေ ထွက်လာနိုင်တာပေါ့။ ပြောရရင် ထုတ်ဝေစာ မှန်သမျှကို ကျနော်တို့က သတင်းစာလည်း မခွဲဘူး၊ ဂျာနယ်လည်း မခွဲဘူး။ ထုတ်ဝေစာသည် ထုတ်ဝေစာပဲ။ ဒါက ဖြစ်သွားမှာပါ။ ဖြစ်လာတော့မှာပါ။ အခုဟာက ရှေ့နေချုပ်ရုံးကို ပို့တယ်၊ ရှေ့နေချုပ်ရုံးက လိုတာတွေဖြည့်မယ်။ အဲဒါကိုမှ ဒုတိယအကြိမ် မူကြမ်းထပ်ရေးမယ်။ ဒီဘက်က အလုပ်ရုံ ဆွေးနွေးပွဲတွေက အကြံပြုချက်တွေကိုလည်း ထပ်ပေါင်းမယ်။ ပြီးမှ အစိုးရအဖွဲ့ရဲ့ အတည်ပြုချက်ကို ယူရမှာပေါ့။ တချို့ကတော့ ပြောကြတယ်။ ဒီမီဒီယာဥပဒေကြီးကို ရေးတဲ့နေရာမှာ စာနယ်ဇင်းသမားတွေရဲ့ အကြံပြုချက်တွေကို မယူဘူး ဆိုတာမျိုးပေါ့။ တကယ်ကတော့ ကျနော်တို့ ၂၀၀၈ ကစပြီး နိုင်ငံခြားတွေမှာ သွားလေ့လာတာ ရှိသလို ပြည်တွင်းမှာလည်း လွတ်လပ်ခွင့် တချို့ပေးလိုက်တော့ စာအုပ်တွေ အများကြီး ထွက်လာတာတွေ့ရတယ်။ ဆရာမောင်ဝံသတို့၊ ဒေါက်တာ ခင်မောင်ညို၊ ဆရာကြီးဖိုးသောကြာ တို့ရေးခဲ့တဲ့ မီဒီယာနဲ့ ပတ်သက်တဲ့၊ သတင်းစာပညာနဲ့ ပတ်သက်တဲ့ ဆောင်းပါးတွေ အကုန်လုံးကို ကျနော်တို့က စုဆောင်းတယ်။ ပြီးမှ ကျနော့်ရဲ့တာဝန်က နောင်မှာ သုံးသင့်တယ် ဆိုတာတွေကို ထုတ်နုတ်ပြီး ဝန်ကြီးကို တင်ပြတယ်။ ဝန်ကြီးက ဒါကို ပြန်သုံးသပ်တယ်။ ပြီးတော့ ဒီဥပဒေကို ပြည်ထောင်စုလွှတ်တော်ကို တင်တဲ့နေရာမှာ ပြည်ထောင်စုလွှတ်တော်ကနေပြီး အတည်ပြုပြီးရင် ဒါကို အပြည့်အစုံ နိုင်ငံတော်ပြန်တမ်းထဲကို ထည့်ပေးရတယ်။ ဒီပြန်တမ်းကို ဘယ်သူမဆို ဝယ်လို့ရတယ်။ မဝယ်နိုင်ရင်လည်း ပြန်ကြားရေးက စာကြည့်တိုက်တွေမှာ ဘယ်သူမဆို ဖတ်လို့ရတယ်။

ဒီတော့ ဒီဥပဒေကြမ်းအဆင့်မှာတင် လူတွေအားလုံး လေ့လာနိုင်တယ်။ ပြီးရင် ကိုယ်ပြင်ချင်ရင် ကိုယ့်ရဲ့ လွှတ်တော် ကိုယ်စားလှယ်ကနေ တဆင့် နိုင်ငံခြားတွေမှာလိုပေါ့ဗျာ … ပြင်ဆင်ဖို့ တင်သွင်းနိုင်တယ်။ ဘာလို့ ဒါတွေကို ပြောသလဲ ဆိုရင် ဒီဥပဒေကြမ်းကို ကျနော်တို့ဟာ ဘယ်သူ့ကိုမှ မတိုင်ပင်ဘဲ လုပ်တာမဟုတ်ဘူး ဆိုတာ သိစေချင်လို့ပဲ။ ဒါပေမယ့် အခု အချိန်မှာ ဒီဥပဒေကြမ်းကို အားလုံးသိအောင်ချပြလို့ မရသေးဘူးဆိုတာက အခု လွှတ်တော်ကို မတင်ခင်မှာ၊ ဒီ Process မှာ ကျနော်တို့ ပြောလို့မရဘူး။ တင်ပြီးသွားတဲ့အချိန်ကျရင် မီဒီယာသမားတွေလည်း ဖတ်ကြည့်ပေါ့ဗျာ။ အဲဒီမှာ ပြင်ချင်ရင် သူတို့နဲ့ တွေ့နေတဲ့ ရေးရာကော်မတီတွေကနေ တဆင့် ပြောလို့ရတာပဲ။ ဥပဒေကြမ်း ကော်မတီတွေကို စာရေးပြီး ပြောလို့ရတယ်။

မေး။     ။ နိုင်ငံပိုင် သတင်းစာတွေနဲ့ ပတ်သက်လို့ကော ဘာတွေ လုပ်ဖို့ ရှိလဲ။

ဖြေ။     ။ အဲဒါတွေလည်း ပြင်နေပါတယ်။ အခုဆိုလည်း တွေ့ပါလိမ့်မယ်။ အခုအချိန်မှာ သူတို့ရဲ့ အယ်ဒီတာ့အာဘော်တွေ ကအစ တဖြည်းဖြည်း ပြောင်းနေပါပြီ။ ဆိုလိုတာက အရင်ကလိုပဲ အစိုးရရဲ့ အာဘော်ကိုပဲ တဖက်သက်ပြောမနေဘဲ ပြည်သူတွေသိချင်တာတွေ၊ လိုလားချက်တွေကိုပါ တင်ပြတဲ့ အမြင်တွေလည်း ဒီပေါ်မှာ ပါလာရမှာပါ။

မေး။     ။ တကယ်လို့သာ နေ့စဉ်သတင်းစာတွေ ချပေးမယ်ဆိုရင် ဘယ်လိုလူတွေကို ချပေးမှာလဲ။ ကြားရတဲ့ သတင်းတွေ အရတော့ ဟိုလူ့တော့ ချပေးလိမ့်မယ်၊ ဒီလူတော့ မချပေးဘူး ဆိုတာမျိုး ရှိမလား။ ဥပမာ – Printer ရှိတဲ့သူပဲ ပေးမယ်၊ ဘယ်လောက် အဆင့်အတန်းရှိတဲ့သူပဲ ပေးမယ်၊ ဘယ်လို Capacity ရှိတဲ့သူ ပေးမယ် ဆိုတာမျိုးပေါ့။

ဖြေ။     ။ အဲဒီလိုတော့ မဟုတ်ပါဘူး။ လွှတ်တော်က အတည်ပြုပေးလိုက်တဲ့ ပုံနှိပ်ဥပဒေထဲမှာ ပါလာမယ့် အချက်အလက် တွေနဲ့ ကိုက်ညီအောင် လုပ်နိုင်မယ် ဆိုရင် ထုတ်ဝေခွင့်ရမှာပါ။ ကျနော်တို့သွားနေတာက ဒီမိုကရက်တစ် လူ့အဖွဲ့အစည်းကို သွားနေကြတာ ဆိုတော့ ဟိုလူ့ကိုမှ ပေးမယ်၊ ဒီလူ့ပဲ ပေးမယ်ဆိုရင် ကျနော်တို့ ခရိုနီ ဖြစ်သွားမှာပေါ့။ စာအုပ်တအုပ်ကို ထုတ်ချင်တယ် ဆိုရင် ဘယ်လိုအချက်အလက်တွေ လိုက်နာရမယ် ဆိုတာမျိုးပဲ သတ်မှတ်မှာပါ။

မေး။     ။ ဒါဆိုရင် ကျနော်တို့ ဧရာဝတီက လာလျှောက်ချင်တယ်ဆိုရင်လည်း ရတယ်ပေါ့။

ဖြေ။     ။ ရတာပေါ့။ ဒါပေမယ့် လွှတ်တော်မှာ ဘယ်လိုဆုံးဖြတ်မယ်၊ ဥပမာ – ပြည်တွင်းနိုင်ငံသား ဖြစ်ရမယ် ဆိုတာမျိုးတော့ ထွက်မလာသေးဘူးပေါ့လေ။ ဒါပေမယ့် သေချာတာကတော့ လက်သင့်ရာပေးမယ် ဆိုတာမျိုးတော့ မရှိသေးပါဘူး။ ဒါက ကျနော်တို့ သွားမယ့် စနစ်နဲ့လည်း မကိုက်ဘူးလေ။ ဟိုတုန်းကတော့ဗျာ လိုင်စင်ထုတ်ပေးတာကို အရမ်း တင်းကျပ်ထား တာကိုး။ တကယ်ကျတော့ လိုင်စင်ကို ကန့်သတ်ထားတာကကို ဆင်ဆာ တမျိုး ဖြစ်နေတယ်ဗျ။ ဒါကြောင့်လည်း လူတွေက လိုင်စင်ငှားရတာတွေ ဘာတွေ ဖြစ်ခဲ့တယ်။ ၂၀၀၈ နောက်ပိုင်းမှာတော့ လိုင်စင်ငှားတာ သိပ်မရှိတော့ပါဘူး။ ကိုယ့်ဘာသာ လုပ်ကြတာများတယ်။ ဝန်ကြီးရဲ့ ရည်ရွယ်ချက်ကိုက တကယ်လုပ်တဲ့သူပဲ တကယ်ရ ဆိုတဲ့မူကို သွားချင်တာလေ။ ဒါကြောင့် တခြားသူရဲ့ နာမည်နဲ့ဆိုရင်လည်း ခေါ်ပြီး နာမည်ပြောင်းခိုင်းလိုက်တယ်။ ဒါကတော့ ၆၂ ခုနှစ်ဥပဒေအရ ဒီလောက်ပဲ လုပ်လို့ရတယ်လေ။ လွှတ်တော်ထဲမှာ ဒါတွေပြီးသွားပြီ ဆိုရင်တော့ မီဒီယာ Environment ကော၊ မီဒီယာ Landscape ကော လုံးဝ ပြောင်းသွားတော့မှာပါ။ အဲဒီမှာ ကျနော်ထင်တယ် ပြဿနာက ကျနော်တို့ဆီမှာ မရှိတော့ဘူး။ အခု ပြည်တွင်းက စာနယ်ဇင်းသမားတွေ ဆီမှာ ရောက်သွားတော့မယ်။ သူတို့ ပြိုင်ကြရတော့မယ်။ ဒါကို သူတို့ ရင်ဆိုင်ရမယ်။ သူတို့ရေးတာကို သူတို့ တာဝန်ယူကြရ တော့မယ်။

ပြန်ကြားရေးဝန်ကြီးဌာန ညွှန်ကြားရေးမှူးချုပ် ဦးရဲထွဋ်

မေး။     ။ တချို့ ပြောနေကြတာက ဒီ မီဒီယာ ဥပဒေ ပြီးသွားရင် စာနယ်ဇင်းသမားရဲ့ ရပိုင်ခွင့်ကို ကာကွယ်ပေးမှု နည်းသွားမယ်၊ ထစ်ခနဲရှိ တရားစွဲတာတွေ ပိုများလာမယ် ဆိုတာမျိုးပေါ့။ အဲဒါ ဟုတ်သလား။

ဖြေ။     ။ စာနယ်ဇင်းသမားရဲ့ ရပိုင်ခွင့် အခွင့်အရေးဆိုတာ တခန်းပါပါတယ်။ ပိုပြီး တရားစွဲဖို့ လွယ်လာမယ် ဆိုတာလည်း မဟုတ်ပါဘူး။ အသရေဖျက်မှု ဆိုတာနဲ့ စွဲမယ် ဆိုပါတော့၊ အသရေဖျက်မှု မမြောက်တဲ့ အချက် ၅ ချက်ရှိတယ်။ ကင်းလွတ်ခွင့် ၁ ဆိုရင် တစုံ တယောက်ရဲ့ ရေးသားချက်က အများပြည်သူရဲ့ အကျိုးစီးပွားကို ထိခိုက်စေတယ်လို့ ထောက်ပြခြင်းသည် အသရေဖျက်မှု မမြောက်ဘူး။ ဒါ ကျနော်က ဥပဒေစကားတော့ အတိအကျ မမှတ်မိဘူးပေါ့လေ။ ဒါကတော့ အကြောင်းချင်းရာ ပြဿနာပါ။ အရင်တုန်းကလို စာပေစိစစ်ရေးကပဲ မထည့်၊ မထည့် ဆိုတာတော့ လုံးဝ မဖြစ်တော့ဘူး။ တရားစွဲတာမျိုးကတော့ ဗျာ အမေရိကားမှာလည်း ရှိတာပဲ၊ ယိုးဒယားမှာလည်း စွဲတာပဲ။ အသရေဖျက်မှုနဲ့ စွဲတယ်ဆိုတာမျိုးကတော့ ရှိမှာပဲ။ တရားရုံးမှာ ရှင်းကြပေါ့။ သို့သော် ကျနော်တို့က ဘာ အဆင့်တခုကို ထည့်ပေးထားလည်း ဆိုရင် တရားရုံးမသွားခင် ကြိုညှိ ပေးမယ် ဆိုတာမျိုးပေါ့။

မေး။     ။ တိုင်းရင်းသားတွေရဲ့ ဘာသာစကားတွေနဲ့ ထုတ်တာမျိုး ရှိလာခဲ့မယ် ဆိုရင်ကော ဘယ်လိုသွားမလဲ။

ဖြေ။     ။ သူတို့လည်း ထုတ်ကြပေါ့။ ကျနော်တို့ကတော့ အားလုံးကို ထိုင်ကြည့်နေမှာ မဟုတ်ဘူး။ သူတို့တွေက ဥပမာ – ကရင်ဘာသာနဲ့ ထုတ်မယ်၊ ရှမ်းဘာသာနဲ့ ထုတ်မယ်ဆိုရင် သူတို့ရဲ့ စာဖတ်ပရိသတ်ထဲကပဲ ကွန်ပလိန်းလုပ်လာတာတွေ ရှိမယ် ဆိုရင်တော့ ကျနော်တို့က ပြန်ကြည့်မှာပေါ့။ ဒီထောင်ချီတဲ့ ထုတ်ဝေမှုတွေကို ဆင်ဆာလုပ်ဖို့လည်း ကျနော်တို့ အနေနဲ့ မဖြစ်နိုင်ဘူးလေ။ ခုနကပြောသလိုပေါ့ ထောင်ချီရှိလာမယ်၊ သူတို့ ယှဉ်ပြိုင်ကြရမယ်၊ အဲဒီအထဲကမှ ပရိသတ်က အဆင့်အတန်းမရှိဘူး ထင်တာတွေက သူ့ဘာသာသူ ကျန်ခဲ့မယ်။ သူတို့ ဘယ်လောက်လုပ်လာနိုင်မလဲ၊ အချိန်နဲ့ သူ့အရည်အသွေးက စကား ပြောသွားမှာပဲ။

မေး။     ။ ဒါဆို ကြီး ငါးကြီးလောက်၊ ကြီး လေးကြီးလောက်ပဲ ကျန်ခဲ့မယ်ထင်တယ်။

ဖြေ။     ။ ဒါပေါ့၊ ဒါပေမယ့် ကျနော့်အမြင်ပြောရရင်တော့ … ဒါက ဥပဒေနဲ့တော့ မဆိုင်ပါဘူး၊ ကျနော့် တယောက်တည်း အမြင် ပြောရရင်တော့ စာနယ်ဇင်းတွေ သိပ်နည်းသွားတာတော့ မကြိုက်ဘူးဗျ။

မေး။     ။ VOA တို့၊ BBC တို့၊ RFA တို့ အခွဲတွေဖွင့်ဖို့ ကြားနေတယ်။ အဲဒါတွေကော လက်ခံဖို့ရှိလား။

ဖြေ။     ။ ဒါကိုတော့ အခုအချိန်မှာ ကျနော်တို့ မပြောနိုင်သေးဘူး။ လာချင်တယ်၊ စိတ်ဝင်စားတယ်လို့ နှုတ်နဲ့ ပြောနေတာတွေတော့ ရှိတယ်။ ဒါပေမယ့် ဒါတွေကတော့ နောက်မှ လူကြီးတွေ စဉ်းစားလိမ့်မယ် ထင်ပါတယ်။

မေး။     ။ မီဒီယာဥပဒေက ပုံနှိပ်အတွက်ပဲ သီးသန့်ဆိုတော့ အွန်လိုင်းလည်းမပါဘူးလေ။ ဧရာဝတီလို အွန်လိုင်းလုပ်နေတဲ့ မီဒီယာတွေဆိုရင် အီလက်ထရွန်နစ် ဥပဒေ ဆိုတာနဲ့ ငြိစွန်းနေတယ်လို့ ပြောလို့ရတယ်ဆိုတော့ ဒါတွေကို ဒီလူတွေက ဘယ်လို ရှောင်ရမလဲ ဆိုတာသိချင်ပါတယ်။

ဖြေ။     ။ ကျနော်ထင်တယ်လေ၊ ကျနော်တို့ အခုတော့ အသံလွှင့်မီဒီယာကို ပြန်ပြီး သုံးသပ်နေပါတယ်။ ပုံနှိပ်မီဒီယာကို ဘာလို့ စကိုင်လဲဆိုတော့ ဒီပုံနှိပ်မီဒီယာက လူများစုနဲ့ ဆက်စပ်နေတာဖြစ်တဲ့အတွက် ဒါကို အရင်ဆုံး လုပ်လိုက်တာပါ။ ဒါပေမယ့် တဘက်မှာလည်း အသံလွှင့် မီဒီယာက ရှိနေတယ်။ အသံလွှင့်မီဒီယာ ဆိုတဲ့အထဲမှာ New Media ဆိုတာကလည်း အကျုံးဝင်နေပြန်ရော။ အစကတော့ ဒီ မီဒီယာတွေကို ဆက်သွယ်ရေး၊ စာတိုက်နဲ့ ကြေးနန်းက တာဝန်ယူခဲ့တာကိုး။ အဲဒီအထဲကမှ ကျနော်တို့ ဘာတွေ ပြန်ပြီး ယူလို့ရမလဲ ဆိုတာကို ပြန်သုံးသပ်တာပါ။ ဒါကတော့ တော်တော်လေး ဆွေးနွေးရဦးမယ်။ လွှတ်တော်ထဲမှာတောင် ပြန်ပြင်ဖို့ လိုအပ်တာတွေ ၄၀၀ လောက်ရှိသေးတာ ဆိုတော့ ဒါတွေက တော်တော် လုပ်ရဦးမယ်။ တချို့ဟာတွေကလည်း ဥပဒေမပြင်နိုင်သေးခင် ကျနော်တို့ ဝန်ကြီး လုပ်နေသလိုပဲ ပေးထားတဲ့ ဥပဒေထဲကနေပဲ ခွင့်ပြုနေလို့ ရမယ့် ကိစ္စတွေ ရှိမယ်ထင်တယ်။ ကျနော်ထင်တယ် ရှေ့မှာတော့ အီလက်ထရွန်နစ် ဥပဒေအရ အရေး ယူတာတွေ မရှိတော့ဘူးလို့ ထင်တယ်ဗျ။ ဒါကြောင့်လည်း ကျနော်တို့ ဘလော့ဂ်တွေကို ဖွင့်ပေးလိုက်တာပေါ့။ လူတွေ တော်တော်များများလည်း ထိတွေ့လာပြီလေ။

မေး။     ။ ဒါဆိုရင် အဲဒါတွေ မြန်ဖို့တို့၊ လွယ်ကူလာဖို့ ဆိုတာတွေကော ဘယ်လိုလုပ်ပေးမယ်။

ဖြေ။     ။ အဲဒါကတော့ ဆက်သွယ်ရေးလည်း လုပ်နေတာပဲ။ သူ့မှာလည်း အမြဲ အပြောအဆိုခံနေရတာ။ လူတွေကလည်း အရင်ကလိုပဲ အစိုးရကို အမြဲ သံသယနဲ့ ကြည့်နေတော့ သူ့ဘာသာနှေးရင်လည်း ဘယ်လို ရည်ရွယ်ချက်နဲ့ လုပ်တာလဲ ဆိုတာမျိုး ဖြစ်ကြတယ်ဗျ။ ကျနော်တို့ဟာ အရင်လူတွေဖြစ်နေပေမယ့် အခု စနစ်ပြောင်းသွားပြီ၊ ကျနော်တို့ လုပ်နေကြတာ နှေးဖို့ လုပ်နေကြတာ မဟုတ်ဘူး၊ အဆင်ပြေဖို့ပဲ။ ကျနော်ဆို အခု စာကြည့်တိုက်ဥပဒေ လုပ်နေတယ်၊ ဝန်ကြီးက ဘာပြောလဲ ဆိုရင် မင်းတို့လုပ်နေတာဟာ စာကြည့်တိုက်တွေ များများ ထူထောင်ဖို့ပဲဖြစ်ရမယ်၊ ထူထောင်ဖို့ကို ခက်တဲ့ဥပဒေ မဖြစ်ရဘူးလို့ ပြောတာ။ စည်းနဲ့ ဘောင်နဲ့ ဖွံ့ဖြိုးဖို့ လုပ်ရမယ်ပေါ့ဗျာ။ ၁၉၆၂ ဝန်းကျင်ကတော့ လုံခြုံရေးကို ဦးစားပေးတဲ့အခါကျတော့ ထိန်းကျောင်းမှုတွေ ရှိခဲ့တာပေါ့ဗျာ။ ဒါက မရှိသင့်ဘူးလားဆိုတော့ သူ့ခေတ်သူ့အခါကတော့ လိုကောင်း လိုမှာပေါ့ဗျာ။ လမ်းလျှောက်တတ်ခါစ ဆိုတော့ တွဲနေရသေးတဲ့ သဘောပေါ့။ အခုတော့ လွှတ်ပေးရမယ့် အချိန်ရောက်ပြီ ဆိုရင် လွှတ်ပေး ရတော့မှာပေါ့။ ဆက်သွယ်ရေးကလည်း အင်တာနက် ကောင်းတယ် ဆိုပြီး ချီးကျူးတာပဲ ခံချင်မှာပေါ့ဗျာ။ နည်းပညာ ပြဿနာလည်း ရှိမှာပေါ့။ ရတာလေးပဲ ဝယ်လုပ်ရတဲ့ အနေအထား ရှိနေတာကိုး။

မေး။     ။ တကယ်လို့များ ဆက်သွယ်ရေး နည်းပညာတွေ ကောင်းလာခဲ့ရင် မလေးရှားနိုင်ငံက မလေးရှားဂီနီလိုမျိုး တရားဝင် သတင်း ဝက်ဘ်ဆိုက်တွေကို ခွင့်ပြုတာမျိုး မီဒီယာတွေကို လုပ်ခွင့် ပေးလာနိုင်မလား။

ဖြေ။     ။ ဖြစ်လာနိုင်တာပေါ့။ ဒါတွေက တချိန်ကျရင် ဖြစ်လာမှာပါ။ ပိတ်တဲ့ခေတ်မှ မဟုတ်တော့ဘဲဗျာ။ တကယ်ဆိုရင် အနောက်နိုင်ငံတွေက လာပြီး ဖိုင်ဘာလိုင်းတွေဘာတွေ ဆောက်ပေးဖို့ လိုတယ်ဗျ။ ဂိတ်ဝေးတွေ များများ လုပ်ပေးမယ် ဆိုတာမျိုးပေါ့ဗျာ။ ကူညီပေးသင့်တယ်ဗျ။ ကျနော်တို့မှာက ဒီ တံခါး တပေါက်ပဲ ရှိတယ်ဗျာ။ ဒီတံခါး တပေါက်မှာ လူ ၁၀၀၊ ၂၀၀ လောက် လာပြုံတိုးနေတော့ ဘယ်လွယ်မလဲဗျ။ ကျနော်တို့ကို တံခါးဖွင့်ဖို့ပဲ ပြောနေတာ၊ တကယ်ဆို တံခါးပေါက်တွေ အများကြီး လာဖောက်ပေးဖို့ လိုတယ်ဗျ။ ကျနော်တို့ကို ဖွင့်စေချင်ရင် ဖွင့်ဖို့ပဲ မပြောနဲ့ တံခါးတွေလာဖောက်ပေး၊ ဒါမှမဟုတ်ရင်လည်း တံခါးပေါက်တွေ ဖောက်တတ်အောင် လာသင်ပေး အဲဒီလိုပဲ ပြောချင်တယ်။

မေး။     ။ နောက်တခုက Exile မီဒီယာလို့ ခေါ်ကြတယ်၊ Dissident မီဒီယာလို့ ခေါ်ကြတဲ့ ဧရာဝတီ အပါအဝင် မီဒီယာ တွေကို ဘယ်လိုမြင်လဲ။

ဖြေ။     ။ တချိန်ကတော့ ခင်ဗျားတို့လည်း ကျနော်တို့ကို အထင်မှားနေတယ်၊ ကျနော်တို့ဘက်ကလည်း ခင်ဗျားတို့ကို တဘက်သက်ပဲ အထင်လွဲနေတယ်၊ စွတ်စွဲနေတယ်ဆိုပြီး ဒီလိုပဲ မြင်ခဲ့ကြတာကိုးဗျ။ ကျနော်တို့ကိုဆို ပြောင်းလဲဖို့ ဆန္ဒ မရှိဘူး၊ အာဏာကို ဖက်တွယ်ထားချင်တယ် ဆိုပြီး မြင်ခဲ့တာ။ တကယ်ကျတော့ ကျနော်တို့လည်း ပြောင်းဖို့ ဆန္ဒရှိခဲ့ ကြတာပဲ။ အခုတော့ ဒီအခြေအနေမှာ တယောက်နဲ့ တယောက် နားလည်သွားပြီ ယူဆတယ်။ ကျနော်ကတော့ ဘယ်သူ့ကိုမှ ပြည်ပြေးမီဒီယာလို့လည်း မပြောတော့ဘူး၊ Dissident မီဒီယာလို့လည်း မခေါ်တော့ဘူး။ ခင်ဗျားတို့လည်း ဒီမိုကရေစီ ရချင်လို့ လုပ်ခဲ့ကြတယ်၊ ကျနော်တို့လည်း ကိုယ့်နည်းကိုယ့်ဟန်နဲ့ ဒီမိုကရေစီ သွားဖို့ လမ်းကြောင်းပေါ်ကို လျှောက်ခဲ့ကြတယ်။ အရင်ကတော့ ခင်ဗျားတို့ လမ်းကြောင်းကို ကျနော်တို့က အထင်မှားသလို၊ ကျနော်တို့ လမ်းကြောင်းကိုလည်း ခင်ဗျားတို့က အထင်မှားခဲ့ကြတယ်။ အခုတော့ ကျနော်ထင်တယ်လေ ခင်ဗျားတို့နဲ့ ကျနော်တို့နဲ့ အားလုံး ဆုံမှတ်တခုကို ရောက်ခဲ့ကြပြီ။ ဒီတော့ ဘာမှသိပ်ပြီး ပြောဆိုနေစရာ အကြောင်းမရှိတော့ဘူး။ တကယ်လို့ ခင်ဗျားတို့ ရေးတာ မှားတယ်ထင်ရင်လည်း အခုဆို လမ်းကြောင်းပွင့်နေပြီဆိုတော့ ကျနော်တို့က လှမ်းပြောမှာပဲ။ ခင်ဗျားတို့ အနေနဲ့လည်း သိချင်ရင် လှမ်းမေးလိုက်လို့ရတာပဲ။

ကျနော်တို့ လူကြီးတွေက သွန်သင်ခဲ့လို့လည်း အခုလို ဖြစ်တာဗျ။ တကယ်ဆို ဒါကြီးကို သွားချင်နေတာ ၂၀၀၃၊ ၂၀၀၄ လောက် ကတည်းကပဲ။ တိန့်ရှောင်ဖိန် စကားတခုရှိတယ်မဟုတ်လား ချောင်းကိုဖြတ်ချင်ရင် ခြေထောက်နဲ့ အတိမ်အနက်ကို စမ်းစမ်းပြီးမှ လျှောက်ရသလိုပဲ ကျနော်တို့လည်း လျှောက်ခဲ့ကြတာပဲ။ အဲဒီလို လျှောက်တဲ့နေရာမှာ ကျနော်တို့ ဘက်က အစိုးရိမ်လွန်ကဲမှုတွေ၊ ကြောင့်ကျမှုတွေ များခဲ့လို့ မှားခဲ့တာတွေ ရှိကောင်းရှိမယ်ဗျ။ ဒါပေမယ့် ကျနော်တို့သွားခဲ့တာ ဟိုဘက်ကမ်း ရောက်ဖို့ သွားခဲ့တာဗျ၊ ဒီဘက်ကမ်းမှာ ကျန်နေခဲ့ဖို့ မဟုတ်ဘူး။ ခင်ဗျားတို့လည်း သွားခဲ့ကြတာပဲ။ ဒါပေမယ့် ခင်ဗျားတို့က ဟိုဘက်ကမ်းကို အရင်ရောက်တာ ဖြစ်ချင်ဖြစ်မယ်၊ ကျနော်တို့က အခုမှ ရောက်တာ ဖြစ်ချင်ဖြစ်မယ်။ သို့သော် အခုတော့ တနေရာမှာ ကျနော်တို့ ဆုံမိပြီဗျ။

တချို့ဟာတွေက စကားလုံး အသုံးအနှုန်းကြောင့် အခက်အခဲဖြစ်နေတာတွေ ရှိတယ်ဗျ။ ဥပမာဗျာ Opposition ကို ကျနော်တို့ အတိုက်အခံလို့ သုံးကြတယ်၊ ဒါပေမယ့် သူများနိုင်ငံမှာဆိုရင် အတိုက်အခံက အစိုးရ လုပ်သမျှ အတိုက်အခံ လုပ်နေ ကြတာလေ။ ဒါပေမယ့် ကျနော်တို့ နိုင်ငံမှာကျတော့ အတိုက်အခံလို့ သုံးလိုက်ရင် ဆန့်ကျင်တာကြီး ဖြစ်နေတာပေါ့နော်။ ဒါကြောင့် ဒီစကားလုံးကိုတောင် ပြန်စဉ်းစားကြည့်တယ်။ လွှတ်တော်ထဲမှာတောင် လူနည်းစုပါတီတွေကို အတိုက်အခံလို့သုံးတယ်၊ တချို့ကလည်း ဒီမိုကရေစီ လိုလားတဲ့ ပါတီလို့ သုံးကြတာရှိတယ်။ အဲဒီလို ပြောလိုက်တော့ ပြည်ခိုင်ဖြိုးကကော ဒီမိုကရေစီ မလိုလားဘူးလား၊ သူလည်း လိုလားလို့ လွှတ်တော်ထဲ ဝင်တာလေ။ ဒီလို အခေါ်အဝေါ်လေးတွေက သာမန်လို့ ပြောနိုင်ပေမယ့် တကယ့်တကယ်ကျ ရှင်းရခက်တာတွေ ရှိတယ်။

မေး။     ။ ဆုံမှတ်တခုကို ရောက်ပြီလို့ ဦးရဲထွဋ်က ပြောလိုက်တော့ ပြည်တွင်းကော၊ ပြည်ပကော မီဒီယာသမားတွေ အားလုံး သတင်းယူရတာ အခက်အခဲ မရှိတော့ဘူးလို့ ဆိုချင်တာလား။

ဖြေ။     ။ ဟုတ်တယ် မရှိတော့ပါဘူး။ လူတွေက မီဒီယာကိုပဲ အားကိုးပြီး သတင်းအချက်အလက် ယူရတာဆိုတော့ မီဒီယာက အရေးကြီးတယ်။ မီဒီယာဘက်က ဘက်စုံထောင့်စုံ ပေးဖို့လိုတယ်ဗျ။

မေး။     ။ နောက်ပိုင်းမီဒီယာတွေကို ဖွင့်ပေးလိုက်တော့မယ် ဆိုတဲ့အချိန်မှာ ဌာနဆိုင်ရာတွေ ဘက်က သတင်းအချက် အလက် တွေကို ပိတ်ထားတာမျိုး ဖြစ်မယ်ဆိုရင် ဘယ်လိုလုပ်မလဲ။

ဖြေ။     ။ မှန်တယ်၊ ဒါလည်း ကျနော်တို့ ကျော်လွှားဖို့ ခက်နေတဲ့ အချက်တချက်ပဲ။ ဒါပေမယ့် ကျနော်တို့ ဝန်ကြီးရဲ့ တောင်းဆိုမှုကြောင့်ပဲ ဌာနဆိုင်ရာ အားလုံးလိုလိုမှာ ပြောရေးဆိုခွင့် အဖွဲ့တွေ ဖွဲ့နေတာရှိနေပါပြီ။ ဖုန်းနံပါတ်တွေကိုလည်း တောင်းထားပြီ။ စုံလာပြီ ဆိုရင်တော့ ကျနော်တို့ အားလုံးသိအောင် ထုတ်ပြန်မှာပါ။ အခုလည်း တော်တော်များများ သိနေကြပါပြီ။ နိုင်ငံတော်ပြန်တမ်း ထဲမှာတော့ ဒီအဖွဲ့တွေ ဖွဲ့ကြဖို့ကို ထည့်ထားပါတယ်။ ဒါပေမယ့် ဒီလို ဖွဲ့လိုက်ရုံနဲ့ ဒီအခက်အခဲကြီး ကျော်ဖြတ်နိုင်ပြီလားဆိုတော့ မဟုတ်သေးဘူးဗျ။ စိတ်ဓာတ်အခံက လိုနေသေးတယ်။

အရင်တုန်းက မီဒီယာကို ဖြေလိုက်လို့ မှားသွားရင် သူတို့ရဲ့ အသက်မွေးဝမ်းကြောင်း ထိခိုက်မယ်ဆိုတဲ့ စနစ်တခုအောက်မှာ နေခဲ့တဲ့ သူတွေ အနေနဲ့ အခုအချိန်မှာ ချက်ချင်း လိုအပ်တာတွေကို ဘယ်လိုလုပ် အကုန်လုံး ပြောရဲမလဲ။ အချိန်တော့ ယူရမှာပဲ။ ဆိုလိုတာက မပြောနဲ့လို့ ပိတ်ထားလို့ မပြောကြတာ မဟုတ်ဘူး။ ပင်ကိုယ်သဘာဝကိုက အင်မတန်သတိထားခဲ့တဲ့ နေရာမှာ နေခဲ့လို့ကို ပြောဖို့ ဝန်လေးနေတာ ဖြစ်တယ်။ နောက်တခုက ဘယ်ဟာကို ပြောသင့်တယ်၊ ဘယ်ဟာကို ဘယ်လို ပြောရမယ် ဆိုတဲ့ ပြောဖို့ Guideline တွေလည်း လိုတယ်။ အခု ကျနော်တို့ ဌာနဆိုင်ရာ ဝန်ထမ်းတွေ အတွက် PR (Public Relations) ထရိန်နင် တခုလုပ်ဖို့ ပြင်ဆင်နေတယ်။ ဘယ်လိုမေးရင် ဘယ်လိုဖြေရမလဲ၊ မီဒီယာနဲ့ ဆက်ဆံရင် ဘာတွေကို ဂရုပြုရမလဲ ဆိုတာတွေပေါ့။ ထောင်ချောက်တွေကို ဘယ်လိုရှောင်မလဲ၊ မီဒီယာတွေကို စော်ကားသလို မဖြစ်အောင် ဘယ်လိုရှောင်မလဲ ဆိုတာကအစပေါ့။ ဒါပေမယ့် ဒါတွေက နေ့ချင်းညချင်း ချက်ချင်းကြီး ဖြစ်မလာဘူးဗျ။ ကျော်လွှားရမယ့် စိတ်အခံတွေက ရှိနေသေးတယ်။ လုပ်တော့ လုပ်ရမှာပေါ့ဗျာ။

မေး။     ။ အာဆီယံနဲ့ ဒေသတွင်း မီဒီယာတွေနဲ့ ယှဉ်ပြီးပြောမယ်ဆိုရင် နောက် ၅ နှစ်မှာ မြန်မာမီဒီယာရဲ့ အခန်းကဏ္ဍ ဘယ်လို ဖြစ်မယ်လို့ ယူဆလဲ။

ဖြေ။     ။ ကျနော်ထင်တယ်လေ၊ ကျနော်တို့ မြန်မာမီဒီယာက အာဆီယံ မီဒီယာတွေထဲမှာ စံနမူနာ တခုဖြစ်လာလိမ့်မယ်ဗျ။ အခုဆိုရင်ပဲ ကြည့်လေ။ စင်ကာပူမှာဆိုရင် အတိုက်အခံအကြောင်း မျက်နှာဖုံးတင်လို့ မရဘူး။ မလေးရှားမှာ ဆိုလည်း ဒီလိုပဲ။ အခုပင်လျှင် ကြည့်လိုက်၊ အင်ဒိုနီးရှားနဲ့ ဖိလစ်ပိုင်ကို ကျနော်မပြောပါဘူး၊ စင်ကာပူ၊ မလေးရှား၊ လာအို တို့ထက် ကျနော်တို့ သာနေပြီ။ နောင်ဆိုရင် ကျနော်တို့က စံနမူနာ ဖြစ်လာမယ်လို့ ကျနော်မျှော်လင့်တယ်။ ဒီတော့ ခင်ဗျားကို ကျနော်က ပြန်မေး ချင်တယ်။ အာဆီယံ နိုင်ငံတွေဟာ လွန်ခဲ့တဲ့ ၁၀ မှာ မီဒီယာလွတ်လပ်ခွင့် ဆိုတာ ဘာဆိုပြီး ပြောနေပေမယ့် လူ့အခွင့် အရေး ပြဿနာတွေနဲ့ ပတ်သက်လို့ မြန်မာ Issue နောက်မှာ ပုန်းနေခဲ့ကြတယ်။ အခုဆိုရင် သွားပြီ၊ မြန်မာ Issue ဆိုတာ အာဆီယံမှာ Issue မဟုတ်တော့ဘူး။ အခု ပြောနေကြတဲ့ နိုင်ငံရေးလွတ်လပ်ခွင့်တို့၊ မီဒီယာလွတ်လပ်ခွင့်တို့ ဆိုတာတွေနဲ့ ပတ်သက်လို့ စင်ကာပူတို့၊ ကမ္ဘောဒီးယားတို့ နောက်ဆုံး ထိုင်းသည်ပင်လျှင် ဘယ်လို စဉ်းစားကြလဲ၊ အရင်ကဆို သူတို့ နိုင်ငံရဲ့ ပရိသတ်ရှေ့မှာ မြန်မာကို လူဆိုးကြီးလုပ်ပြီး သူတို့တွေက လူ့အခွင့်အရေးကို ဂရုစိုက်ပါတယ် ဆိုတာမျိုး ပြောခဲ့ကြတာ မဟုတ်ဘူးလား။ အခုတော့ မြန်မာ Issue ဆိုတာ Issue မဟုတ်တော့ဘူးဗျ။ ကျနော် ဒါပဲ ပြောချင်တယ်။ အနောက်နိုင်ငံက လူတွေက အာဆီယံ တချို့နိုင်ငံတွေကို ဘယ်လိုပြောမလဲ၊ ဘယ်လို ကိုင်တွယ်မလဲ ဆိုတာတော့ တော်တော်လေး စိတ်ဝင်စားဖို့ ကောင်းတယ်။

Ref: http://burma.irrawaddy.org

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: