မြန်မာအပေါ် တရုတ် ကစားကွက်


ကာကွယ်ရေးနှင့် စစ်လက်နက် လေ့လာသုံးသပ်သည့် ကုမ္ပဏီ (IHS Jane) ၏ သတင်းအရ တရုတ်သည်
မကြာသေးမီက အင်အားနှစ်သောင်းရှိသော ၀ပြည်သွေးစည်းညီညွတ်ရေးတပ်မတော်ကို စစ်ရဟတ်ယာဉ် ငါးစီးပေးပို့ခဲ့
သည်ဟုဆိုသည်။   မြန်မာနိုင်ငံရှိ တရုတ်သံရုံးနှင့် ၀တပ်တို့ နှစ်ဖက်စလုံးက မဟုတ်မှန်ကြောင်း ငြင်းဆိုခဲ့သော်လည်း
အကယ်၍ ဤသတင်းမှန်ခဲ့မည်ဆိုလျှင် မြန်မာနိုင်ငံရှိ ၎င်းတို့၏ အကျိုးစီးပွားကို တိုးမြှင့်ကာကွယ်ရန် ကြိုးပမ်းလိုက်သော
တရုတ်တို့၏ လုပ်ရပ်တစ်ခု ဖြစ်သည်။

သမ္မတဦးသိန်းစိန်က ၂၀၁၁ ခုနှစ် နိုင်ငံရေးနှင့် စီးပွားရေး ပြုပြင်ပြောင်းလဲမှုများ စတင်ခဲ့သည့် အချိန်မှစ၍ မြန်မာသည်
အမေရိကန်၊ ဥရောပတို့နှင့် ဆက်ဆံရေး အတော်ကို နွေးထွေးလာခဲ့သည်။

အမေရိကန်၊ ဂျပန်၊ ဥရောပကုမ္ပဏီများက မြန်မာနိုင်ငံတွင် ရင်းနှီးမြှုပ်နှံရေး တိုးချဲ့ရန် အလွန်လိုလားနေချိန်၌
တရုတ်တို့၏ ရင်းနှီးမြှုပ်နှံမှုက ဆယ်စုနှစ် နှစ်ခုမျှ ရှေ့ကပြေးနှင့်နေပြီးလည်းဖြစ်သောကြောင့် တရုတ်သည် မြန်မာ၏
အရေးကြီးဆုံး ကုန်သွယ်ဖက်အဖြစ် ရှိနေဆဲဖြစ်သည်။

တရုတ်က မကြာသေးမီက သံတမန်ဟောင်းနှစ်ဦးကို ခန့်အပ်ပြီး နှစ်နိုင်ငံဆက်ဆံရေး နီးကပ်လာစေရန်
ဆောင်ရွက်စေခဲ့သည်။ ယန်ဟွာလန်ကို နေပြည်တော်ရှိ တရုတ်နိုင်ငံဆိုင်ရာ သံအမတ်အသစ်အဖြစ်ခန့်အပ်ချိန်တွင်
တရုတ်၏ အာရှဆိုင်ရာ ပထမဆုံးအထူး
ကိုယ်စားလှယ်ဖြစ်သူ ၀မ်ရင်ဖန်ကို တရုတ်-မြန်မာ ဆက်ဆံရေး ကောင်းမွန်အောင် အာရုံထားဆောင်ရွက်စေသည်။

တရုတ်၏ လက်ငင်းပြဿနာမှာ တရုတ်-မြန်မာနယ်စပ်တစ်လျှောက်ရှိ လက်နက်ကိုင်တိုင်းရင်းသား တပ်များနှင့်
မြန်မာ့တပ် မတော်တို့ စစ်ပွဲရပ်တန့်သွားရန် ဖြစ်သည်။ မြန်မာအစိုးရက ကချင်တပ်များအပေါ် ကိုင်တွယ်ပုံ
မမှန်ကန်သည့် လုပ်ရပ်အား တရုတ်တို့ မကျေမနပ် ဖြစ်ခဲ့သည်။ ၂၀၁၁ ခုနှစ် ဇွန်လတွင် ၁၇ နှစ်ကြာရရှိထားသော
ကေအိုင်အိုနှင့် ငြိမ်းချမ်းရေး ပျက်စီးသွားခဲ့ရသည်။ ထိုဖြစ်ရပ်ကြောင့် ကချင်ပြည်နယ်မှ ဒုက္ခသည်များ တရုတ်နိုင်ငံတွင်း
ထွက်ပြေးဝင်ရောက်စေရုံသာမက ထိုဒေသရှိ တရုတ်စီးပွားရေးလုပ် ငန်းများအတွက် အန္တရာယ်ဖြစ်လာသည်။

ဇန်န၀ါရီလက တပ်မတော်မှ ပစ်သည့်ကျည်များ ယူနန်ပြည်နယ်အတွင်း ကျရောက်ချိန်တွင်မူ တရုတ်က မြန်မာကို
လူသိရှင်ကြား အပြစ်တင်လိုက်ပြီး အပစ်ရပ်ရေး ကြေညာရန် ဖိအားပေးခဲ့သည်။ နှစ်ဖက်စလုံးအပေါ်ရှိသည့် ၎င်း၏
သြဇာကို အသုံးချပြီး နှစ်ဖက်ဆွေးနွေးဝိုင်းကို တရုတ်က ခေါ်ယူခဲ့သည်။ တရုတ်ထိပ်တန်းသံတမန်များက
စေ့စပ်ညှိနှိုင်းသူများအဖြစ် ဆောင်ရွက်ခဲ့ကြောင်း သတင်းများ ထွက်ပေါ်ခဲ့သည်။ သို့သော် ပြဿနာမှာ နှစ်ဖက်စလုံးက
တရုတ်ကို ရိုးရိုးသားသား ကြားဝင်စေ့စပ်ပေးသူဟု မမြင်။ အဘယ်ကြောင့်ဆိုသော် တရုတ်က တပ်မတော်ကိုသာမက
ကေအိုင်အိုကိုပါ လက်နက်ထောက်ပံ့နေသောကြောင့် ဖြစ်သည်။

တပ်မတော်နှင့် UWSA တို့ အကြား တိုက်ပွဲများဖြစ်လာမည် ကိုလည်း တရုတ်က စိုးရိမ်နေသည်။ ၀တပ်သည်
ယခင်အစိုးရနှင့် ၁၉၈၉ ခုနှစ်က အပစ်အခတ်ရပ်စဲရေး သဘောတူခဲ့ပြီး ၂၀၀၈ ခုနှစ် အခြေခံဖွဲ့ စည်းပုံ ဥပဒေက
ဝဒေသကို အတိုင်းအတာတစ်ခုအထိ ကိုယ်ပိုင်အုပ်ချုပ်ရေးပေးခဲ့သည်။ သို့သော် ကေအိုင်အို ကျသွားခဲ့လျှင်
တပ်မတော်က UWSA ဘက်  ဦးလှည့်နိုင်သည်ဟူသော စိုးရိမ်မှုက တရုတ်မှာ ရှိနေသည်။

၁၉၆၀ နှင့် ၁၉၇၀ ပြည့်နှစ်များတွင် ဗမာပြည်ကွန်မြူနစ်ပါတီ၏ ကျောရိုးအဖြစ်  ထူထောင်စဉ်က တရုတ်တို့က  “၀”နှင့်
နီးကပ်သောဆက်ဆံရေး တည်ဆောက်ခဲ့သည်။

၁၉၈၉ ခုနှစ် ကွန်မြူနစ်ပါတီ ပြိုကွဲချိန်တွင်မူ   UWSA    သည် တိုင်းရင်းသား လက်နက်ကိုင်တပ်အဖြစ်
တည်ထောင်ခဲ့ပြီး တရုတ်က ငွေကြေးနှင့်လက်နက် နှစ်မျိုးစလုံး ထောက်ပံ့ခဲ့သည်။

တပ်မတော်နှင့်  UWSA  အကြား တိုက်ပွဲများဖြစ်ပေါ်လာလျှင် တရုတ်စီးပွားရေးလုပ်ငန်းများကို ထိခိုက်စေရုံသာမက
နယ်စပ်တစ်လျှောက် မတည်ငြိမ်မှုများ ဖြစ်လာ စေနိုင်သောကြောင့် တရုတ်တို့က UWSA  ကို   အင်အားဖြည့်တင်းပြီး
တပ်မတော်၏ ထိုးနှက်မှုကို ရှောင်လွှဲနိုင်ရန် စီစဉ်ခဲ့သည်။

ထို့ကြောင့် ကြားဝင်စေ့စပ်နေသည့် တစ်ပြိုင်နက်တည်းတွင် မြန်မာအစိုးရတပ်နှင့် သူပုန်တပ်တို့ကို
လက်နက်ထောက်ပံ့ပြီး တရုတ်က မြန်မာကို ကစားနေသည်ဟု ယူဆရသော်လည်း ၎င်း၏ အဓိက ရည်ရွယ်ချက်မှာ
နယ်စပ်တစ်လျှောက်တည်ငြိမ်ရေးသာ ဖြစ်သည်။ တရုတ်က မြန်မာနိုင်ငံ၏ စီးပွားရေး၊ နိုင်ငံရေးနှင့် လုံခြုံရေးတို့တွင်
အဓိကကျသည့် ပြင်ပအင် အားတစ်ခုဖြစ်ကြောင်းလည်း ပြဆိုလိုက်ခြင်းပင်ဖြစ်တော့သည်။

(The South China Morning Post   တွင် ပုံနှိပ်ဖော်ပြ ခဲ့သော  စင်ကာပူနိုင်ငံ အရှေ့တောင် အာရှလေ့လာရေးသိပ္ပံနှင့်
အကြီးတန်းသုတေသီ    Ian Storey ၏ ဆောင်းပါးကို ဘာသာပြန်ဆိုထားခြင်းဖြစ်သည်။ )

7Day News Journal

ခင်မေဇော်

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: